Dalil Paseduluran Dening: Novita Aprilianti Lumantar gurit iki aku nyuwara Mugya bisa nggawe dalil uripmu nang ndonya Kanggo pepeling para putra Sanadyan ibu wis ora nduweni nyawa Putraku, aja kaya wong asing marang dulurmu Jaga-jinagaa lan tinali karukunan sadawane umur Aja mung amarga bandha dadi petenging pandulumu! Aja mung amarga wanita liya, getih abang dadi klawu! Nalika congkreh ing tengah dalan Elinga cilikmu mbiyen, elinga! Kowe nangis menawa dulurmu digoreh liyan Mula, paseduluranmu iki pupuken nganggo donga lan katresnan! Kamus Kecik lumantar : liwat mugya : muga pepeling : pangeling-eling pandulu : mripat congkrah : padu (tukaran) goreh : catu Gladhen 1 Sawise para siswa maca guritan ing ndhuwur, coba wangsulana pitakonan ing ngisor iki. 1. Andharna isi saka pada kapisan. 2. Andharna isi saka pada kaloro. 3. Andharna isi saka pada katelu. 4. Bareng kancamu, coba andharna panemumu ngenani isine guritan ing ndhuwur nggunakake medhiya video, gambar, utawa tulisan kreatif. 5. Coba trapake wujud rasa welas asih marang salah siji anggota kulawarga ing omahmu awujud poto, utawa video cekak.
Answer (1)
Jawaban:1. Isi saka pada kapisan:Ngandharake yèn penulis arep menehi pepeling marang para putra supaya senantiasa eling marang paseduluran sanajan ibu wis séda.2. Isi saka pada kaloro:Ngandharake supaya ora nganti paseduluran pecah amarga rebutan bandha utawa masalah wanita sing bisa ngrusak hubungan keluarga.3. Isi saka pada katelu:Ngandharake supaya eling marang masa cilik nalika isih rukun karo sedulur, lan tetep ngopeni paseduluran nganggo donga lan katresnan.4. Panemu ngenani isine guritan:Guritan iki ngandharake yèn paseduluran iku kudu dijaga lan dirumat kanthi tulus, ora kena dirusak dening harta utawa masalah pribadi. Pesané kuat supaya wong tetep rukun lan tresna marang sedulur.5. Wujud rasa welas asih marang salah siji anggota kulawarga:Conto: Njupuk foto nalika nulungi bapak sing lagi nggarap kebon, utawa video cekak nalika nulungi ibu masak ing pawon.
